HAZRAT BISHR AL HAFI HAMBALI RAHMATULLA ALAIYE

HAZRAT BISHR AL HAFI HAMBALI RAHMATULLA
ALAIYE

Aapki paidaish:-

Hazrat bishr al hafi r.a 150 hjri mein mishr ke shehar marv mein paida hue.aap poora waqt sharab peete rahte aur maikhane mein baithe rahte aur sath mein aapke dost ahbaab bhi hote.aap hamesha nashe mein raha karte the.ek din aap maikade mein jaa rahe the,tabhi ek kagaz jiss par “bismilla hirrahmanirrahim” likha hua tha.aapne use uthaya aur saaf karke itr lagaya aur ek buland jagah par rakh diya.

Aapka Adab:-

To allah ne uss waqt ke ek buzurg ko basharat di ke hazrat bishr al hafi ko khushkahbri suna do ke allah ne tumhe maaf kar diya.jab wo buzurg maikade mein jaa pahuche aur puchha ke bishr al hafi kaha hai to logo ne hazrat bishr al hafi ko bulane chale gaye.jab logo ne hazrat bishr al hafi se kaha ki koi tumhe bula raha hai ye sun kar aap jaldbaazi mein chale aur jute pahanna bhi bhul gaye.jab wo unn buzurg ke samne pahuche to kaha ki allah ne tumhe buland kar diya.

Uske baad aapne sharab peena chhod diya aur uss din ke baad aapne kabhi juta nahi pahna  ki jis waqt allah ne maaf kiya uss din maine juta nahi pahna tha .aap poori zindagi nange per rahe.jab aap makka mukarrama jaate to wuzu ka pani zameen par nahi girne dete the kyunki wuzu ka pani gunaho ko dho deta hai aur wuzu ke baad  jism se girta hai to wo gunaho se aaluda hota hai isliye aap wuzu ka pani zameen par nahi girne dete the.

Hazrat bishr al hafi r.a 40 saal tak Baghdad mein rahe aur jab hazrat bishr al galiyo se guzarte to waha ke jaanwar sadko par gobar nahi karte the.ek din ek buzurg ne kaha ki shayad aaj bishr al hafi duniya mein nahi rahe kyunki uss din jaanwaro ne sadak par gobar kiya tha.

Hazrat bishr al hafi r.a. ne apne mamu jinka naam hazrat Ali r.a. tha unki bait ki.bahut se aalimo se aapne ilm hasil kiya.jab hazrat bishr al hafi hazrat khidra a.s. se mile to kaha ki huzoor mere liye dua kariye to hazrat khidra a.s ne kaha jao allah tere liye ibadat ko aasan karde.

Aapka adab behad inteha darje ka tha.ek din aapko Huzoor-e-Akram ka didar hua aur kaha ye bishr al hafi pata hai allah ne tujhe itna darja kyu diya hai.to hazrat bishr al hafi kahte ki huzoor aap hi farmaye to huzoor ne kaha ki tune mere ahle-e-bait ka adab kiya  hai,mere ashaab ka adab kiya aur aalim-e-deen ka adab kiya hai.ye tazeeem aur dab ki wajah se allah ne tujhe itna buland kar diya.

Hazrat imam-e-ahmad bin hanbal kahte hai ki ilm main zyada jaanta hu magar allah ko bishr al hafi zyada jaanta hai.imam ahmad bin hanbal apne bête se bhi kaha karte the ki jao bishr al hafi ki mahfil mein baitha karo unko allah ki marfat mujhse zyada hai.aap Baghdad shehar ka pani nahi peete the kyunki wo waha ki government ne banaye aur Baghdad ke bahar dariya se pani peete the.aapko allah ne aaapko itna buland makam diya ke aap pani par bhi chalte the aur agar koi dekh liya karta tha  to kahte ki tujhe kasam deta hu tune jo dekha wo kisi aur ko mat batana.

Aap kahte ki teen kaam bahut mushkil hai:-

1.Garibi mein sadakat karna yahi kherat karna.
2.Khauf mein sach bolna.
3.tanhai mein gunaho se bachna.

Aapke taqwe ka asar aapke khaandaan walo par bhi bahut tha.ek din hazrat imam ahmad bin hanbal ke paas ek aurat aai aur kahne lagi ki huzoor mujhe ek masla puchna hai to imam ahmad bin hanbal ne kaha ki kya puchna hai to uss aurat ne kaha jab main chhat par baith kar soot kaatti hu to kuch der ke liye waha se shahi sawari guzarti hai jisse ki roshni zyada ho jati ahi aur main uss doran kuch zyada soot kaat leti hu.to kya uss roshni mein kaata hua soot mere liye haram hai ya halal.

jab hazrat imam ahmad bin hanbal ne ye suna to hairan hokar dekha aur puchne lage ki tum kon ho to uss aurat ne kaha ki main bishr al hafi ki bahan hu.ye sunna tha ki hazrat imam ahmad bin hanbal kahne lage kisi aur ke liye jayaz ho sakta tha par tere liye jayaz nahi hai kyunki tu ahle taqwa ke khandaan se hai.

Aap kahte the ki pani jabtak bahta rahta hai paak rahta hai lekin jab ruk jaata hai to ganda ho jata hai.kisi ne khwab me aapko dekha to puchha ki allah ne aapke sath kya sulook kiya to aapne kaha ki allah ne meri maghfirat farma di aur kaha ki khub khao aur piyo kyunki duniya mein tune meri khatir khud ko bahut bhukha rakha tha.

Aapka wisal:-

Hazrat bishr al hafi r.a ka 10 muharram 227 hijri mein wisal hua aur aapne 77 saal ki zindagi paayee