HAZRAT SYED ABUL HASAN DATA GANJ BAKSH ALI HUJVERI LAHORI (R.A)

HAZRAT SYED ABUL HASAN DATA GANJ BAKSH ALI HUJVERI LAHORI(R.A)

Aap wildat:-

Aapki walida hujver se aur aapke walid julaab se hui,aapke walid ka naam Syed Usman bin Ali r.a tha ,jinka sajra-e-nasab Hazrat Imam Hasan A.S. se jakar milta hai.aapke walid ki shadi kareeb ke shehar hujver mein ek Hussaini Gharane mein kar di gai.

Hazrat Syed Abul Hasan Data Ganj Baksh Ali Hujveri R.A. ki paidaish 400 hijri me hui aur aapka wisaal mubaraq 465 hijri me hua.aapne qul umr Mubarak 65 saal ki payee.Aap Hazrat Ghous-e- Azam Sheikh Abdul Qadir jilani se 70 saal pahle paida hue aur ab aapko duniya se gaye huye 947 saal ho chuke hai ,itne arse ke baad bhi aapki yaad zinda aur tamam alam aapse faiz pa raha hai.Hazrat Ghous-e- Azam Sheikh Abdul Qadir jilani aapke bare mein farmate hai ki agar mein Data Ganj Baksh Ali Hujveri ka zamana paa leta to unse main bait karta. Aapka bachpan hujver aur julaab mein gujra isliye aapko hujveri aur julaabi bhi kaha jata hai.

Aap ki shaan mein Hazrat Khwaja Gareeb Nawaz Muinuddeen Chishti R.A farmate hai:-

 “Ganj baksh faiz-e-alam mazhar-e-noor-e-khuda ,
 naqisara peere kamil kamila ra rahnuma”

Aapki Zindagi:-

Aap tasawwuf aur tariqat mein junaidi silsile ki perwi karte the kyunki aap Hazrat Junaid Baghdadi R.A ke silsile se the.jo ki tamam silsilo se pahle ka silsila tha.Aapne 27 saal tak taleem hasil  karne mein guzar diye.aap 12 saal ki umr mein  ek shayri ka deewan likhte hai.aapne 404 hijri mein quran hifz kar liya.aaapne 300 sufiya-e-kiraam se taleem hasil ki.aur jab koi masla hal nahi hota aap sahib-e-qabr se bhi masla hal karte the.aap 18 saal tak ghazali mein rahkar taleem hasil karte rahe.

Hazrat Data Ganj Baksh Ali Hujveri R.A ne do shadiya ki pahli se aapko ek beta hua jo kuch saalo baad intqal kar gaya aur aapki bibi bhi intqal kar gai,uske baad aapne ek aur shadi ki aur fir aapki wo bibi bhi intqal kar gai ,uske baad aapne poori zindagi shadi nahi ki aur tamam umr allah ki raah mein guzar di..

Jab aap Lahore tashreef laaye to waha par Aryan log (hindu) rahte the,jo apni roz marra ki zindagi mein lafz-e-data istemal kiya karte the.to jab aapne unhe imaan diya tauheed sikhai to uske baad aapko data kaha jaane laga.aap 431 hijri mein Lahore aaye aur yaha 34 saal tak qayam farmaya.

Ek din aap pasine mein sarabor hai aur aapke kapde mitti mein ate hue hai,aap hakim-e-waqt ke mahal mein jaate hai aur hakim se kahte hai ki sama karwao,uss waqt aap par wajd ki qaifiyat taari thi,hakim-e-waqt ne sama karwai,sama ke baaad  hakim ne aapse kaha ki jab mushahida ho jata hai to sama aur kauve ki kaaye kaaye barabar ho jati hai,uss din se aapne sama se doori bana li.

Aapne tasawwuf ka ilm sheikh abul kasim al kuseri r.a. se hasil kiya.Imam kuseri ki umr uss waqt 40 se zayad thi.aap unse tasawwuf ke alawa bhi kai uloom hasil karte.aapne ilm-e-wahtadul wujood hazrat hussain ibne masoor hallaj r.a. se hasil kiya .aapne unki 50 se zyada kitabe padhi.

Aapne fiqah hanfi ikhtiyar kiya iski wajah ye hai ki ek din aap hazrat bilal bashi r.a ki qabr par gaye to waha jakar aapko nind aa gai aur khwab dekhte hai ki huzoor –e-akram kaba mein mojood hai aur sahaba baithe hue hai,aap huzoor ke paas jaate hai aur jakar kadam chum lete hai.aur dekhte hai ki aap ek buzurg ko apni godh me uthaye hue hai,to data ali hujveri ne pucha ki huzoor ye kon hai to aapne farmaya ke ye tumhare imam hai (imam-e-azam abu hanifa nomaan bin sabit r.a  ).to wahi se aapne hanfi maslak apnaya.aap bahut se shehro mein tashreef le gaye..aur waha ke sufiya-e-kiraam se jakar milte aur unse ilm hasil karte.

Inn tamam shehro mein jaane ke baad aapko shaam mein ek ese buzurg ki zyarat hui jinhone apne 60 saal ek gaar mein bita diye unka naam Hazrat abul fazal muhmmad bin khuttar jo ki ek abdaal the.

To jab hazrat data ganj baksh unse mile to aap unse bahut mutasir hue aur aapne unki bait karli.aap apne murshid ke sath rahte aur unke sath bahut si jagah par bhi gaye.

Lahore mein Aapka qayaam:-

Ek baar aap damishq me apne sheikh ke sath ek shehar se guzarte hai tabhi achanak bahut tez barish shuru ho jaati hai ,aap poore bheeg jaate hai aur aapke pairo mein keechad lag jata hai,jab aapko apne sheikh dhyan aaya to aapne unki taraf dekha to paya ki  na to unke kapde bheege the aur na unke pero mein keechad laga hua hai.ye dekhkar aapne unse pucha ki mere peero murshid ye kya baat hai ,aap bilkul nahi bheeg,to unhone jawab diya ki jabse hamne tamam buraiyon ko apne dil se nikal diya hai tabse na hamare kapde  bheegte hai aur na hi kisi kism ki keechad lagti hai.to jab kisi ke dil ko koi gandgi nahi lagti to unke jism ko bhi koi gandgi nahi lagti.ek din aapke murshid ne kaha ke bête Lahore chale jao aur waha jakar tabligh karo.to uske baad aap 431 hijri mein Lahore aaye.

Aapne Lahore aakar ek ped ke niche apna dera lagaya.uske baad aapne ek masjid banai,jise sufiya kab-o-punjab –o-hind kahte the.ek baar aapki banai hui msjid par waha ke log aitraz karne lage ki aapki masjid ka kibla sahi nahi hai.to aapne kaha esa hai to mere piche namaz padho.to unhone kaha thik hai ,aapne unhe namaz padhane ke liye jab niyat ki to unke saamne se tamam hijabat hat gaye ,unhe lagta tha ki wo khan-e-kaba mein namaz padh rahe hai,kaba unke saamne tha.namaz ke baad un sab ne aapse mafi mangi aur aapke hath chume.uske baad jo musalman dar kar rahe the unhe rahat pahuchi ki koi allah ka wali hamare sath hai.

Ek din ek jogi jo huqumat chhod kar jogi ban gaya tha ,usne Lahore walo se kaha ki ek waqt ka apne jaanwaro ka doodh hamare yaha pahuchaya jaaye warna tumhare jaanwaro ke than se khoon niklane lag jaayega.to wo log dar ki wajah se uski baat maante aur ek waqt ka doodh uss jogi ko de dete.ek din ek budhi aurat doodh jogi ko de neke liye aapki masjid ke saamne se guzri to aapne use rok liya aur pucha ki kaha ja rahi ho to usne bataya ki jogi ko doodh dene ja rahi hu agar doodh nahi pahuchaya to jaanwaro ke thano se khoon aane lagta hai.ye sunkar aap ne uss budhiya se kaha ki aaj tum ye doodh yahi rakhdo.ye sunkar wo budhiya doodh wahi rakh deti hai aur wapas chali jati hai.jab wo ghar gai dekha ki jaanwaro ke thano se khoon  nahi nikla.ye dekhkar wo budhiya sabko uss jogi ko doodh dene se rok leti thi.aur kahti wo jo nojawan aaya hai usko ek waqt ka doodh do tum sabko rahat mil jayegi.ab aapke paas log aana shuru kar dete hai.to ab aapki dua se jaanwaro ke thano se khoon aana band ho gaya.jab jogi ko ek din doodh nahi pahuchaya gaya to usne apne sathiyo se kaha ke jakar dekho kya mamla hai,to use bataya gaya ki wo jo musalman aalim aur jisne masjid banai hai wo un sabka doodh leta hai.

Jab jogi ko ye  pata chala to gusse se aapke paas aaya aur kahne laga tum mujhe jaante nahi main kon hoo aur fir wo apna jaadu se  udhne laga.ye dekhkar aapne apne lakdi ke khadau ko ishara kiya aur wo bhi udhne lage aur uske sar par ja gire.

jab khadau uske sar par aa padhte hai to wo zameen par aa gira .ye dekhkar wo jogi bola ki ab main gayab ho jaunga aur agar tum itne bade ho to bata kar dikhao ki main kaha par hu,ye kahkar wo gayab ho gaya aur Kashmir me jakar ek ped ke seb ko todne laga ,jab wo seb todne ki koshish karta to wo daali piche ho jati.kai baar usne hath badhaya aur jab bhi wo hath badhata seb ki daali piche ho jaati.itne me ek naqabposh buzurg aate hai aur wo seb toda aur aadha kaatkar uss jogi ko de diya.

Jab use seb mil gaya to wo jogi wapas hazrat data ganj baksh ke paas aaya aur bola ki ye seb dekho aur batao ke main kaha se aaya hu.to aapne uss jogi se pucha ke iss seb ka adha hissa kaha hai.ye kahkar aap apna hath pichhe se aage late  hai aur adha seb dikhakar kahte hai ki tu yahi se aaya hai na .ye dekhkar wo jogi aapke kadmo me gir pada aur mafi mangne laga.ab use yakeen ho gaya ki jaha jadu ki inteha hoti hai waha se waliyo ke nalain ki ibteda hoti hai .ab wo musalman ho gaya aur aapne uska naam sheikh-e-hindi rakha aur aaj usi ke khaandan wale aapke  darbar ke mujavar hai.

Kashf-ul-Mahjoob:-

Ab aap hazrat data ganj baksh ali hujveri ka charcha poore Lahore main fail gaya aur log door door se aapke paas aane lage.aapse bait hote,langar khate aur tabligh karte.aap bahut si kitabo ke musannif bhi rahe ,aapne kai kitabe likhi usme se ek bahut hi mash-hoor hai jiska naam “kashf-ul-mahjoob” hai.iska zyadatar hissa aapne Lahore mein likha .aur aaj takreeban 25 zabano mein iska tarjuma ho chuka hai.iss kitab ka har lafz sach me dooba hua hai.

Pakistan ke ek shaksh jinka naam qudrat-ullah sahib hai wo apni kitab “sahib nama “ mein  likhte hai ki ek din main kashf-ul-mahjoob padh raha tha ki allah ke waliyo mein koi qutub hai ,koi abdal hai , aur ye har dor mein hote hai, ye padhkar wo sochne lage ki kabhi in waliyo se mulaqat nahi hui.ye sochte-sochte unki ankh lag gai.to khwab me unhone dekha ki wo ek kashti par sawar hai aur achanak kashti palat jati hai aur wo dubne lagte hai to ek hath zahir hota hai aur unhe pakad kar kinare par le aata hai.tabhi unki aankh khul gai ,uthne ke baad wo apne kaam mein lag gaye.agle din unhe daraj mein se ek khat mila jisme likha tha ki tu hazrat data ganj baksh ki ibarat padh kar shak-o-subah mein padh gaya,data ganj baksh ne jo likha hai sach likha hai.aur apne bare mein bataya ki main tujhe jaanta hu ,aur teri adalat mein mojood rahta hu.to unn khat likhne wale ne qudratullah ko ek kaam karne ko kaha ,

ki ahmadpur siyaal ke ander ek 15 saal ki ladki hai jiska baap uski shadi ek 80 saal ke budhe se kar raha hai.aur ye ladki apni shadi ke din zahar ki pudiya apne paas rakhegi aur jaisi hi iski rukhsati hogi wo zahar khakar mar jayegi.tum jaao aur uss ladki ko bachao.to jab qudratullah waha pahuche to sab kuch sach paya aur unhone uss ladki ke baap ko samjhaya aur shadi nahi karne di.to qudratullah kahte hai ki tab jakar mujhe kashf-ul-mahjoob ki sachai ka pata chala.

Aapki kitab kashf-ul-mahjoob ek peer ka kaam karti hai.ek din aap Lahore mein tahalte hue ek mandir ke kareeb se guzre to dekha ki waha ek aadmi apne but (paththar ke bhagwan) ko choori khilane ki koshish kar raha tha par wo paththar ka bhagwan kaise khata.to jab data ganj baksh ne dekha to uss buth se kaha ke khale to wo buth choori kha gaya.to wo aadmi bada hairan hua,usne jakar logo ko bataya ,log ikaththe hokar jama ho gaye.wo sab kahne lage ki ham nahi maante ,wo aadmi dobara data ganj baksh ke paas aaya aur kahne laga ke dobara buth ko choori khane ko kahe.to jab data ganj baksh ne dobara uss buth ko ishara kiya to uss buth ne firse chhori khana shuru kar diya ,aur wo tamam log aapke paas aakar musalman ho gaye.

Ek din jab aapki umr 60 saal ho chuki thi to aapke murshid ka paigham aya ,to aapne apne kuch mureedo ko liya aur damishq me apne murshid ke paas chale gaye.waha jakar dekha to unka akhiri waqt tha,data ganj baksh ne unka sar apni godh me liya ,aapke murshid ne aapko kuch baatein batai aur fir intqal farma gaye. Aapne apne murshid ko bath-ul-zin me dafan kiya aur waha se Lahore aa gaye.

Aapka Wisal Mubarak:-

Aapne 5 saal apne murshid ke intqal ke baad Lahore mein guzare,aur 65 saal ki umr me aapka intqal ho gaya.aapka janaza sheikh-e-hindi ne padhaya.lahore mein aapka mazar sharif 8 saal baad banaya gaya.

Aapke mazar ke bare mein Sheikh Mujaddid-e-Alfisani r.a farmate hai ki Lahore shehar ki barkat Hindustan ke tamam shehro mein faili hui hai.bahut se badshaho ne aapke mazar ke tameeri kaam karwaye.1868 mein haji noor ne aapke mazar par gumbad banwaya.1997 me mojuda turkis shakl aapke mazar ko di gai,jisme langar khana,ibdatkhana aur masjid banai gai.

Auliya Allah ko aapke mazar se aqeedat:-

Aapki mazar par Hazrat Khwaja Muinuddeen chishti r.a. aaye to aapne waha 40 din chilla kata aur data ganj baksh ki qabr se faiz hasil kiya.isi tarah Khwaja gareeb nawaz ke mureed Khwaja Qutub Bakhtiyar qaki r.a ne bhi data ganj baksh ke mazar par chilla kata.aur Khwaja Qutub Bakhtiyar qaki r.a ke mureed hazrat baba fareeduddeen ganj shakr .r.a pakpatan se paidal Lahore aate aur aapne bhi yaha chilla kata aur jab baba fareed Lahore ki hadd mein dakhil hote to lambe lambe saans lene lagte,log puchte ki huzoor kiya hua to aap kahte ki mujhe jannat ki khushboo aa rahi hai,aur jab 2.5 mile ka safar rah jata to aap ghutno ke bal chalne lagte.log puchte ki huzoor ghutno ke bal kyu chal rahe hai aap kahte ki yaha itni anwar baras rahi hai aur main inpar apne paaon rakhu.

Dr.Allama Iqbal r.a huzoor data ganj baksh ali hujveri ke bahut bade deewane the ,wo har fajr ki namaz data ganj baksh ki masjid me adaa karte aur quran ki tilawat karte.Allam Iqbal kahte ki musalmano ki nijaat ismein hai ki buzugan-e-deen ke hairatnaaq tazkiro ko zinda kiya jaaye.


please comment mein apna feedback zarur de:-