HAZRAT NASIRUDDEEN CHIRAG-E-DELHI CHISHTI RAHMATULLA ALAIYE

HAZRAT NASIRUDDEEN CHIRAG-E-DELHI CHISHTI RAHMATULLA ALAIYE

Tareekh-e-paidaish:-

Sheikh Hazrat Nasiruddeen Chirag-e-Dehli Chishti r.a.Aap ki tareekh-e-paidaish 1277 hijri hai aur tareekh-e-wisal 1356 hijri hai.is tarah aapne 79 saal ki zindagi payee.Aap Hazrat Nizamuddeen Auliya Mahbub-e-Ilahi r.a. ke khalifa hai.Aap shehar awadh mein paida huye.Aapka sajra-e-nasab farooqi hai aur aap hazrat umar farooq ki aulad se hai.

Hazrat sheikh abdul lateef khurasani r.a. jo aapke dada hai ,ye khurasan se hijrat karke Lahore mein aakar rahne lage.yaha par aapko allah ne beta ataa kiya aur uska naam yahya rakha aur wahi par taleem dilai.jab wo bade huye to tijarati kaam mein lag gaye.Waha Lahore mein aap oon se bane saman becha karte the. Lekin waha oon ka karobar zyada nahi tha to kisine kaha ki aap dehli kyu nahi chale jaate waha par iska karobar achcha hai.uske baad hazrat yahya r.a dehli aakar awadh mein rahne lage.yaha par hazrat yahya ko allah ne ek beta diya jiska naam mahmood rakha.

Aapki 9 saal ki umr mein aapke walid hazrat yahya ka intqal ho gaya aur aap yateem ho gaye. 9 saal ki umr mein yateem hone ke baad aapki walida ne aapki parwarish aur taleem di.Molana abdul kareem sherwani aur Molana takharuddeen gilani ye do shakshiyat hai jinse aapne ilm hasil kiya.25 saal ki umr tak aapne tamam uloom padh liye the.Tamam uloom hasil karne ke baad aapka dil tasawwuf ke ilm ki taraf ragib hua.Uss dor mein har taraf tasawwuf ka hi bolbana tha.Hazrat nizamuddeen auliya r.a ki barkat se allah ne ye  tasawwuf ki roshni failayee huyee thi.

Aapki zindagi:-

Hazrat nasiruddeen chirag-e- dehli r.a. ek buzurg ke sath jungal mein chale gaye aur 7 saal tak aap jungalo mein chilla katte rahe.jab aapki umr 32 saal hui to ghar wapas aa gaye.jab aapki umr 40 saal ki hui to aap Hazrat Nizamudden auliya r.a. ke paas hazir huye aur aapne unki bait ki..Uss waqt Hazrat Nizamuddeen auliya r.a. ki umr 79 saal thi. Hazrat Nizamuddeen auliya r.a. ne apni khanqaah mein ek jamat-khana banwaya hua tha jismein wo aalim rahte the jinhe Hazrat Nizamuddeen auliya r.a ne khilafat dena hoti thi.un aalimo ko ek Sutoon diya jata jaha wo rahte.jab hazrat nasiruddeen chirag-e-dehli r.a. unki khanqaah mein aaye to Hazrat Nizamuddeen auliya r.a ne unse kuch sawal kiye. Hazrat Nizamuddeen auliya r.a puchne lage kit um kyu aaye ho ?,tumahre walid kya karte the ?,tumhara maqsad kiya hai ?,aur tumne 40 saal kaha bitaye. Hazrat Nasiruddeen chirag dehli r.a ne kaha ki huzoor mein aaapki bait karne aaya hu, mere walid tijarat kiya karte the,main sufiya ke sath rahkar unki khidmat karna chahta hu aur main 7 saal tak jungalo mein chilla katta raha aur ilm hasil karta raha.

Ye sab puchne ke baad Hazrat Nizamuddeen auliya r.a ne kaha ki jao jamat khane mein ham tumhe ek sutoon dete hai waha rahkar mujahida karo.waha rahkar aapne quran aur hadees sikhne lage. Hazrat Nizamuddeen auliya r.a ne bahut se tareeko se unki jismani aur roohani tarbiyat ka jayeza liya. Hazrat Nasiruddeen chirag dehli r.a ko jangalo mein rahkar mujahida karne ka bada shok tha.lekin Hazrat Nizamuddeen auliya r.a ke saamne baat karna kisi ki himmat nahi hoti thi,bas hazrat ameer khusro hi ishraat ke baad unse baat karte the.Ek din hazrat nasiruddeen chirag dehli r.a. ameer khusro se apni shifarish karne ke liye kahne lage ki huzoor aap Hazrat Nizamuddeen auliya r.a se kahe ki main jangalo mein jakar mujahida karna chahta hu.

jab hazrat ameer khusro r.a. Hazrat Nizamuddeen auliya r.a ke paas jakar ye sab kahte hai to Hazrat Nizamuddeen auliya r.a ne kaha ki kahdo nasiruddeen se tujhe yahi logo ke bich rahna hai aur mushkilaat ka saamna karna hai.jab ameer khusro ne jakar unse bataya to hazrat nasiruddeen chirag dehli ne bade adab se unka kaha mana aur poori zindagi aapne wahi par guzar di.jab Hazrat Nizamuddeen auliya r.a ka wisal mubaraq hua to aapki wasiyat ke mutabik tamam aapke tabarrukaat hazrat nasiruddeen chirag dehli ko de diye gaye,uss waqt aap apne murshid ke paas mojud the.

Apne murshid ke kahne par logo ke bich rahkar zulm-o-sitam sahte rahe.Mohammad tughlaq ek badshah tha usne apni huqumat ke ander hazrat nasiruddeen chirag-e-dehli r.a. par bhi bahut zulm kiye.unhe har dam apne sath rakhta tha.

Islam mein unn chizo ko badi sakhti se mana kiya hai jinse insan mein taqabbur paida ho jaye.sone aur chandi ke bartano mein khana bhi mana kiya gaya.wo badshah bhi aapke sath kuch iss tarah ke zulm karta tha.ek din usne aapko apne darbar mein bulaya aur sone aur chandi ke bartano mein khana lakar saamne rakh diya.aapne usme se thoda sa khana uthakar apne hath par rakha aur aapne khana khane se pahle padhi jaane wali sab dua aur aayetein padhi .jab sab padh liya to ab apne ke khane se lukma bana kar uthaya aur kha liya.ab ye sab dekhkar badshah aur mulla log aitraz na kar sake.ese bahut se tareeko se mohammad tughlaq aapko pareshan kiya karta tha.ye badshah kisi ki izzat nahi kiya karta tha aur logo ko qatl karke khush hota tha..7 saal tak iss badshah ki huqumat mein qahad pad gaya kyunki ye auliya allah ko bahut tang kiya karta tha,bahut se zulm bhi logo par kiye.

Ek din badshah ne thatta ek shehar hai waha par hamla karne ki thhaan li aur hazrat nasiruddeen chirag dehli r.a. se kaha ki tum bhi mere sath chalo.aapne kaha ki mujhe apne sath mat le jao ,ye safar tumhare liye sahi nahi hai.jab thatta pahuchne mein 14 kos ka safar rah gaya to uss badshah ne ashura ka roza rakha tha shaam ke waqt machhli khai aur wahi mar gaya.

Ek din aap apne hujre mein baithe huye hai aur istagraq ki kaifiyat taari ho gai.aap ibadat mein mashgul hai.tabhi ek malang ander dakhil hua aur khanjar nikal kar 12 martaba aapke jism par waar kiya.aap ishtagraq ki kaifiyat mein the aur aapne awaz tak nahi nikali.jab khoon kamre se bahar nikla to aapke murideen ander aaye aur dekha ko wo khanjar lakar khada hua hau.

jab wo malang pakda gaya to aapne usse kaha ki bhag ja warna mera koi na koi mureed pakadkar tujhe qatal dega.uss  waqye  ke baad aap 3 saal tak zinda rahe.

Lafz-e-“chirag-e-dehli”:-

Aapke naam mein mojud “chirag-e-dehlvi” lagane ki 3 wujuhaat pai jaati hai.unme se ek to yah hai ki jab gyasuddeen tughlaq ne hazrat nizamuddeen auliya ke liye tel ko band kar diya tha tab aapne baoli se pani lekar chirago mein bhara aur unn pani se bahre chirago ko aap jalate gaye.waha se aapko chirag-e-dehli kaha jaane laga..

Ek din hazrat nizamuddeen auliya ne apne khaas mureeddeen ko bulaya to aap bhi unki khanqaah mein gaye aur adab ke mare khade rahe. Hazrat Nizamuddeen auliya r.a ne jab unhe khade dekha to aapne unse kaha ke tum khade kyu ho yaha baith jao.hazrat nasiruddeen r.a. ne farmaya ki huzoor agar main yaha baith gaya to aapke muredeen ki taraf meri peeth ho jayegi,tab Hazrat Nizamuddeen auliya r.a ne kaha ki chirag ki koi peeth nahi hoti wo har taraf barabar roshni karta hai.

Hazrat Imam yafai r.a. kahte hai ki pahle to dehli mein bahut auliya aur buzurgane deen the sab wasil-e-haq huye,ab to bas sheikh nasiruddeen dehlvi ke chirag hai aur baki hai.isliye aapko chirag-e-dehli kaha jata hai.

Aapko allah ne qutb-e-madaar ka darja ataa kiya.29 saal tak aapko allah ne ye darja ataa  farmaya uske baad aapko makam-e-raza ka darja ataa kiya gaya.fir aapko allah ki raza ke siva kuch nahi chahiye tha.

Aapka wisal:-

Jab aap bimar ho gaye to aapke bhanje kahne lage ki huzoor aap tashrif le ja rahe hai to aap apne tabarruqaat ke liye apne kisi khalifa ko muntakhab kar lijiye.aapke bhanje ne teen kagzo par unn khalifa ke naam likhe jinhe tabarruqaat ke liye chuna jaane wala tha.jab aapko wo kagaz diya gaya to aapne padh kar wapas de diya aur kaha ke in khalifa se jakar kaho ke apne iman ki fikr karo,dusra ka baar apne sar par lene se kya hasil hai .iske baad aapka wisal ho gaya aur wasiyat kar gaye ki sab tabarruqaat mere sath hi dafan kiya jaaye.jis jagah aapka wisal hua wahi aapki qabr mubaraq bana di gai.hazrat Syed gaisu daraz r.a. ne aapko gusl diya.firoz shah tughlaq ne aapka mazar banaya.